Category Archives: Culture

好多時電影續集都逃不過宿命:就是續集比不上第一集精采，但今次KungFu Panda 2真的也不錯，節奏明快，用2D方式交代過去效果很好，音樂有點中西合璧。三年前的第一集，驚喜的原素大d，當時想美國公司也可以拍到中國特式的東西，香港照計也可以呀，香港有咁多學校培育電腦動畫人才、深厚嘅電影歷史、中西文化匯合。三年後看完了第二集，感概仍多，這短短三年內香港攪動畫的環境也變了 (例如攪小飛俠的意馬Imagi已經面目全非啦，另外一間已被老鼠公司羅致其下，再另外一間亦因內部原因一分為二，唏噓)。 香港能否做一套成功的電腦動畫?我覺得幾乎是沒有可能，原因有以下(只根據個人觀察)： 無礙香港人十分喜愛看動畫，但看還看，落手落做又另一回事。一套成功嘅戲要有好的編劇，扁扁香港最缺就是編劇，找專門為動畫的編劇更難，電影行業對編劇不重視大家都知，另外一個大家未必留意到就係我發覺本地學生的說故事力弱，呢個同教育絕對有關，外國小朋友細細個就要在班上講故事，香港的課室學生說話、討論、互動、創作、表現自己的機會很少(希望334會改善)。 人才方面又如何呢？做動畫需要大量不同工種的專才，本地各院校都有動畫課程，為什麽動畫公司常常投訴請唔到人才呢？本地大部份動畫課程都只著重教軟件的操作，有幾多課程會由手繪入手呢？當然要找人教手繪動畫難，學生聽到話唔用電腦更加會掉頭走啦！PIXAR主持人話請人主要睇手功，軟件只是Tools。課程內容方面也千扁一律，大多用軟件跟來的training材料教學，導師也不多有真正製作經驗。我不是說軟件操作不值得學，畢竟新手多數要由操作開始，但是想一想，只要搭一個鐘頭車向北就可以用1/3嘅香港工錢請到對軟件操作熟識的員工。另一方面，學生對電腦動畫有誤解，又或者sell課程的過份吹噓，以為襟幾個掣就乜都可以變出黎，唔知道動畫就算用咗電腦都要續格續格砌出來的。 外國的電腦動畫閒閒地用上兩年以上完成，而且風險極高，例如做公認手繪動畫師祖米老鼠公司，你以為有咁嘅根基，攪電腦動畫應該好掂，可惜剛剛相反，仲要摺埋動畫部門添。Dreamworks有Spielberg同Paul Allen撑又點，有幾次都爭d破產。所以香港邊會有投資者會咁傻呀！有咁多錢去炒摟好過啦。 咁樣大陸情況又點呢？佢地政府支持動漫產業、美術學院的畢業生基本功好、資金不缺，攪電腦動畫實掂啦，比條trailer link大家睇吓先: 根據Yahoo報導，呢套戲《兔俠傳奇》係中國首都3D电腦動畫，片長 90 分鐘，斥資 1 億 2 千萬元人民幣的電影，由北京電影學院動畫學院院長孫立軍執導，製作歷時三年。我睇完之後結論是: 电腦動畫呢個咁特別嘅媒體都係美國天下(或者講係PIXAR天下)，短期內無人可代替。